ఈ సందర్భంగా కేటీఆర్ మాట్లాడుతూ.. రెండేండ్ల కింద నారాయణగూడలో ఐపీఎం ప్రారంభించుకున్నాము. ఆ తర్వాత ప్రాథమిక ఆరోగ్య కేంద్రాల్లో ఈ సేవలను అందుబాటులోకి తీసుకొస్తున్నామని తెలిపారు. రక్త పరీక్షలు, మూత్ర పరీక్షలు ఇప్పటికే అందుబాటులోకి వచ్చాయని, ఇప్పుడు కొత్తగా ఎంఆర్ఐ, అల్ట్రా సౌండ్, సీటీ స్కాన్ వంటి పరీక్షల నిర్వహణకు ఈ సెంటర్లను నెలకొల్పామని చెప్పారు. డయాగ్నోస్టిక్ సెంటర్లలో మొత్తం 57 రకాల పరీక్షలను చేస్తున్నట్లు తెలిపారు.