Ministers Sri KTR and Sri CH Malla Reddy launched the
#eGolkonda Shopping Portal
www.golkondashop.telangana.gov.in – of Telangana State Handicrafts Development Corporation (TSHDC) today. Principal Secretary Jayesh Ranjan, TSHDC Chairman Sri Bollam Sampath Kumar and Handlooms & Textiles Director Smt Shailaja Ramaiyer were present..
తెలంగాణ చేనేత మరియు జౌళి శాఖ ఆధ్వర్యంలో రూపొందించిన ఈ – గోల్కొండ షాపింగ్ పోర్టల్ ను టెక్స్టైల్ శాఖ మంత్రి శ్రీ కేటీఆర్ ఈరోజు ప్రగతి భవన్ లో ఆవిష్కరించారు. తెలంగాణ రాష్ట్ర హ్యాండీక్రాఫ్ట్ డెవలప్మెంట్ కార్పొరేషన్ రూపొందించిన ఈ -గోల్కొండ షాపింగ్ పోర్టల్ ద్వారా అద్భుతమైన సాంప్రదాయ కళాకృతులను మరియు చేతి బొమ్మలను కొనుగోలు చేసే వీలు ఉంటుందని ఈ సందర్భంగా మంత్రి కేటీఆర్ అన్నారు. తెలంగాణ రాష్ట్రం ఏర్పడిన నాటి నుంచి చేనేత మరియు జౌళి శాఖలో ఒక విభాగమైన హ్యాండీక్రాఫ్ట్ డెవలప్మెంట్ కార్పొరేషన్ ను బలోపేతం చేస్తూ వస్తున్నామని ఈ సందర్భంగా కేటీఆర్ తెలిపారు. ఈరోజు ప్రారంభించిన పోర్టల్ ద్వారా తెలంగాణ హ్యాండీక్రాఫ్ట్ డెవలప్మెంట్ కార్పొరేషన్ ఆధ్వర్యంలో రూపొందిస్తున్న అనేక అద్భుతమైన ఉత్పత్తులకు ప్రపంచ స్థాయి ఈ-మార్కెట్ ప్లేస్ ని తయారుచేయడమే లక్ష్యంగా ఈ పోర్టల్ రూపొందించినట్లు ఆయన తెలిపారు. ప్రస్తుతం ప్రజలకు అందుబాటులో ఉన్న అనేక ప్రైవేట్ ఈ- కామర్స్ వెబ్ సైట్ల కంటే అత్యుత్తమంగా ఈ వెబ్ పోర్టల్ లో సౌకర్యాలను రూపొందించామన్నారు. ఈ వెబ్ పోర్టల్ ద్వారా ప్రస్తుతం దేశంలోని ఏ ప్రాంతానికైనా తమ కళాకృతులను చేర్చేందుకు వీలుందని, త్వరలోనే అవసరమైన కేంద్ర ప్రభుత్వ అనుమతులు పొందిన తర్వాత, ప్రపంచంలో ఎక్కడికైనా తమ కళాకృతులను పంపే సౌకర్యాన్ని అందుబాటులోకి తీసుకొస్తామన్నారు. ఈ- గోల్కొండ ద్వారా అమ్మకానికి ఉంచిన ప్రతి కళాకృతిని సునిశితంగా పరిశీలించేందుకు అవసరమైన 3డి సౌకర్యాన్ని సైతం అందుబాటులో ఉంచామన్నారు. ఈ వెబ్సైట్ మొబైల్ ఫోన్ లకు సరిపడే విధంగా రూపొందించామని తెలిపారు. ఈ ఈ-గోల్కొండ పోర్టల్ ద్వారా తెలంగాణ రాష్ట్రంలో తయారవుతున్న హ్యాండీక్రాఫ్ట్ మరియు ఇతర అద్భుతమైన కళాకృతులకు మార్కెటింగ్ మరియు అవసరమైన ప్రచారాన్ని కల్పించే వీలు కలుగుతుందన్నారు.
https://golkondashop.telangana.gov.in/ లింకు ద్వారా తమకు నచ్చిన కళాకృతులను ప్రజలు కొనుగోలు చేసే వీలుందన్నారు.